Беларускае таварыства Чырвонага Крыжа ажыццяўляе збор сродкаў для дапамогі бежанцам з Украіны
22.03.2022 г.У рамках мабілізацыі дапамогі бежанцам і вымушаным мігрантам з Украіны, якія апынуліся на тэрыторыі Рэспублікі Беларусь, Беларускае таварыства Чырвонага Крыжа ініцыявала кампанію па збору сродкаў на іх падтрымку.
Цяпер дапамогу вымушаным мігрантам з Украіны аказвае пераважна Гомельская абласная арганізацыя Беларускага Чырвонага Крыжа, задзейнічаны і іншыя абласныя і раённыя арганізацыі БЧК.
Кругласутачнае дзяжурства каманды рэагавання на надзвычайныя сітуацыі Беларускага Чырвонага Крыжа праводзіцца ў намётавым лагеры на беларуска-украінскай мяжы ў Брагінскім раёне ў пункце пропуску Камарын. Валанцёры прымаюць людзей, праводзяць апытанне і робяць ацэнку патрэбнасцей, выдаюць гарачае пітво і ежу, сродкі гігіены, даведваюцца пра далейшы маршрут, даюць магчымасць звязацца са сваякамі.
Найбольш актуальнымі для людзей патрэбамі застаюцца: псіхасацыяльная падтрымка, прадукты харчавання і жыллё, дзіцячае адзенне, сподняе, сродкі гігіены, падгузнікі для дзяцей, дзіцячае харчаванне (сумесі, сокі і іншае), верхняе адзенне для дарослых (спартыўнае адзенне), спартыўны абутак.
Фота БЧК.
Кожны, хто хоча дапамагчы бежанцам з Украіны ў Беларусі, можа зрабіць дабрачынны плацёж у адрас Беларускага Чырвонага Крыжа па наступных банкаўскіх рэквізітах:
Назва |
BELARUS RED CROSS |
Адрас |
Str. Karl Marx 35, Minsk, 220030 Belarus |
Банк бенефіцыяра |
“PRIORBANK” JOINT STOCK COMPANY |
Адрас банка |
MINSK, REPUBLIC OF BELARUS |
Нумар рахунку банкаўскага бенефіцыяра |
BY22PJCB31350537370010000840 |
SWIFT код: |
PJCBBY2X |
Банк карэспандэнт для пераводу ў USD |
ACC. 36089449 CITIBANK NA, New York, USA |
SWIFT: |
CITIUS33 |