:

УВАГА, КАРАНАВІРУС! СІТУАЦЫЯ Ў ШВЕЦЫІ І НАРВЕГІІ

01.04.2021 г.

ЭПІДЭМІЯЛАГІЧНАЯ СІТУАЦЫЯ

Па стане на 01.04.2021

10 сакавіка 2020 г. Агенцтвам аховы здароўя грамадства Швецыі ўзровень рызыкі распаўсюджвання каранавіруса ўзняты да «вельмі высокага». Па стане на 31 сакавіка 2021 г. у краіне было пацверджана 813 191 выпадак заражэння каранавірусам COVID-19 (+8292 выпадка за суткі), з іх у Стакгольме і прыгарадах — 188 721. 12 498 хворых памерла.

12 сакавіка 2020 г. рызыка распаўсюджвання каранавіруса ў Нарвегіі была афіцыйна ацэнена як «вельмі высокая», а яго наступствы як «вельмі сур'ёзныя». Па стане на 31 сакавіка 2021 г. у краіне было пацверджана 96 079 выпадкаў заражэння каранавірусам COVID-19 (+140 выпадкаў за суткі). Паведамляецца аб 673 памерлых ад каранавіруса.

У выпадку з'яўлення Ў ВАС СІМПТОМАЎ КАРАНАВІРУСА COVID-19  упаўнаважаныя ўлады Швецыі і Нарвегіі рэкамендуюць не наведваць лячэбныя ўстановы самастойна, а заставацца дома. Звяртацца па медыцынскую дапамогу неабходна дыстанцыйна:

у Швецыі — ў кругласутачную тэлефонную і анлайн-службу па пытаннях аховы здароўя па нумары тэлефона 1177 альбо праз сайт www.1177.se

у Нарвегіі — ў службу кругласутачнай медыцынскай дапамогі па тэлефоне 116 117.

Калі ў Вас адсутнічаюць сімптомы захворвання, але ёсць пытанні аб парадку дзеянняў пры іх з'яўленні альбо неабходна іншая даведачная інфармацыя, у Швецыі варта звяртацца па тэлефоне нацыянальнай інфармацыйнай лініі 113 13. У Нарвегіі такую інфармацыю можна атрымаць па тэлефоне Нарвежскага інстытута аховы здароўя 815 55 015, а таксама на сайце www.fhi.no.


МІГРАЦЫЙНЫЯ АБМЕЖАВАННІ

З 19 сакавіка 2020 г. Швецыяй уведзена забарона на ўезд у краіну тэрмінам да 31 мая 2021 г. уключна. Абмежаванне распаўсюджваецца на замежных грамадзян, якія ўязджаюць у Швецыю з-за межаў Еўрапейскага саюза, а таксама Ісландыі, Ліхтэнштэйна і Нарвегіі.  Забарона не распаўсюджваецца на замежных грамадзян, якія пастаянна пражываюць або маюць від на жыхарства ў Швецыі, а таксама асоб, праца якіх звязана з выкананнем важных функцый (медперсанал, сезонныя рабочыя, вадзіцелі грузавога транспарту і інш.).

З 6 лютага 2021 г. усе замежныя грамадзяне, якія ўязджаюць у Швецыю, абавязаны прад'явіць падчас перасячэння мяжы тэст з адмоўным рэзультатам на COVID-19. Прымаюцца толькі тыя тэсты, з моманту правядзення якіх прайшло не больш за 48 гадзін. Выключэнне зроблена для асоб ва ўзросце да 18 гадоў, грамадзян, якія пражываюць у Швецыі, а таксама супрацоўнікаў транспартнай сферы. Па дадзеным Агенцтва аховы здароўя грамадства, а таксама паліцыі Швецыі, прымаюцца рэзультаты наступных тыпаў тэстаў: ПЛР-тэст, тэст на антыген, а таксама тэст, выкананы з дапамогай пятлявай ізатэрмічнай ампліфікацыі (LAMP). Дакумент (даведка) павінен быць аформлены на шведскай, англійскай, нарвежскай або датскай мовах, а таксама змяшчаць наступную інфармацыю: прозвішча і імя ўласнае асобы, якая прайшла тэст, дата і час правядзення тэста, тып тэста, рэзультат тэста, інфармацыя аб тым, кім выдадзены дакумент. Паведамляецца, што тэст абавязкова павінен быць зроблены да адбыцця ў Швецыю. Магчымасць здаць тэст пасля прыбыцця на шведскую мяжу адсутнічае.

З 29 сакавіка 2020 г. уезд у Нарвегію дазваляецца толькі нарвежскім грамадзянам і замежным грамадзянам, якія пражываюць у краіне. Усе асобы, якім дазваляецца ўезд у Нарвегію абавязкова павінны знаходзіцца на 10-дзённым каранціне. У выпадку неабавязковага выезда за мяжу — знаходжанне на каранціне ажыццяўляецца ў спецыяльна адведзеных для дадзенай мэты гасцініцах.

Дзейнічае абавязковая самастойная рэгістрацыя асоб, якія ўязджаюць у Нарвегію. Поездка павінна быць зарэгістравана на працягу 72 гадзін да ўезда. Пасля рэгістрацыі афармляецца квітанцыя, якую неабходна прад'явіць паліцыі падчас перасячэння мяжы.

Таксама абавязковым з'яўляецца тэсціраванне на COVID-19 для ўсіх асоб, якія прыязджаюць у Нарвегію. Выкананне тэста (праводзіцца не паздней за 24 гадзіны з моманту прыбыцця) ажыццяўляецца ў пагранічных пунктах пропуска на бясплатнай аснове. Актуальны спіс пагранпунктаў з магчымасцю тэсціравання можна знайсці тут.


АСАБЛІВАСЦІ КОНСУЛЬСКАГА ПРЫЁМУ Ў ПАСОЛЬСТВЕ БЕЛАРУСІ Ў СТАКГОЛЬМЕ 

З улікам распаўсюджвання каранавіруса COVID-19 прыём усіх грамадзян ажыццяўляецца толькі па папярэдняму запісу, за выключэннем пытанняў якія патрабуюць неадкладнага консульскага ўмяшання, у першую чаргу для афармлення пасведчання на вяртанне ў Рэспубліку Беларусь у сувязі са стратай пашпарта.

Прыём грамадзян ажыццяўляецца толькі пры наяўнасці медыцынскай маскі. Да прыёму ў памяшканне консульскага аддзела Пасольства дапускаецца не больш за аднаго чалавека адначасова, у выключных выпадках — у суправаджэнні члена сям'і.

Таксама прасілі б звярнуць увагу на тое, што шэраг консульскіх пытанняў можа быць вырашаны па пошце без асабістага наведвання Пасольства. У прыватнасці, такім чынам можна падаць дакументы на афармленне пастаяннага пражывання за мяжой, пашпарта для пастаяннага пражывання за мяжой, заяву на афармленне пасведчання на вяртанне, а таксама візавыя заяўкі (за выключэннем асобных выпадкаў) родным і знаёмым замежным грамадзянам. Пры гэтым паштовыя рызыкі — на вас.

Атрымаць дадатковую інфармацыю і тлумачэнні па гэтым пытанні можна па тэлефоне +46851700991 (у працоўныя дні з 09.00 да 13.00 і з 14.00 да 18.00) альбо па электроннай пошце sweden.consul@mfa.gov.by.

Просім напярэдадні наведвання Пасольства адсочваць магчымыя абнаўленні інфармацыі адносна ажыццяўлення консульскага прыёму.

Тэлефон консульскага супрацоўніка — трэці сакратар Пасольства Рэспублікі Беларусь у Швецыі Ананко Ілья Арсеньевіч, +46 73 388 02 32 (Viber, WhatsApp).

Адноўлена 01.04.2021 у 18.00. Будзе дапаўняцца. Сачыце за паведамленнямі на сайце, на старонцы Пасольства ў Фэйсбук і Пасла Д.Мірончыка ў Твітар.

Версія для друку

Дыпмісіі Беларусі за мяжой

Усе дыпмісіі Сайт МЗС
Перайсці