:

Гандлёва-эканамічнае супрацоўніцтва

Гандлёва-эканамічнае супрацоўніцтва Беларусі і Швецыі мае ўзаемавыгадны характар. У 2020 годзе таваразварот склаў 131,2 млн. долараў ЗША. Беларускі экспарт — 35,3 млн. долараў, імпарт з Швецыі — 95,9 млн. долараў.

Двухбаковы гандаль Беларусі і Швецыі за 2016-2020 гады

млн. долараў ЗША

 

2016

2017

2018

2019

2020

таваразварот

124,2

135,3

171,2

155,3

131,2

экспарт

33,1

29,9

52,1

44,8

35,3

імпарт

91,1

105,4

119,1

110,5

95,9

Аснову беларускага экспарту ў Швецыю складаюць калійныя ўгнаенні, паліўная драўніна, мэбля, ільняныя тканіны.

                                                            Фота: Беларуская калійная кампанія

                                                                                                                                        Фота: «ВМГ Індустры»

У структуры імпарту з Швецыі асноўныя пазіцыі: штучныя і гатовыя воскі, абсталяванне для лесаводства, поршневыя рухавікі ўнутранага згарання, палімеры этылену.

У 2020 годзе абарот гандлю паслугамі склаў 27,5 млн. долараў, пры гэтым экспарт — 20,6 млн. долараў, імпарт — 6,9 млн. долараў. Найбольш важкія пазіцыі ў беларускім экспарце займаюць камп'ютэрныя, іншыя дзелавыя і транспартныя паслугі.

Шведскія прамыя інвестыцыі ў эканоміку Беларусі ў 2020 годзе склалі 17,8 млн. долараў, з іх прамыя інвестыцыі на чыстай аснове — 10,4 млн. долараў. Варта адзначыць, што аб'ём рэінвеставаных шведскімі кампаніямі сродкаў у 2020 годзе склаў 17,1 млн. долараў. Укладваючы сродкі ў развіццё ўласнага бізнесу ў нашай краіне, яны дэманструюць давер да Беларусі.

У выніку назапашаны аб'ём шведскіх інвестыцый у беларускую эканоміку на 1 студзеня 2021 г. склаўся на ўзроўні 45,6 млн. долараў, з якіх 23,9 млн. долараў — прамыя інвестыцыі.

На пачатак 2021 года ў нашай краіне дзейнічала 23 кампаніі з удзелам шведскіх інвестараў, у тым ліку 9 сумесных прадпрыемстваў і 14 — са 100-адсоткавым шведскім капіталам.

Дыпмісіі Беларусі за мяжой

Усе дыпмісіі Сайт МЗС
Перайсці